Зочин илтгэгчид
Золт Лавица
Линзийн боловсролын сургууль · STEAM боловсролын төв · Австри, Линз хот, Йоханнес Кеплерийн их сургууль
Их сур-Проф. Доктор (BA, BA, MS, MA, MPhil, PhD)
Проф. Золт Лавица Мичиган, Кембрижийн их сургуулиудын танхимын орчинд технологи, математикийн хичээл заах хэд хэдэн судалгааны төсөл дээр ажилласан. Мөн ГеоГебра нийгэмлэгийн хөгжилд ихээхэн хувь нэмэр оруулж, дэлхий даяар ГеоГебра болон холбогдох технологиудтай холбоотой судлагааны төслүүдийг боловсруулахад хувь нэмрээ оруулсан. Одоогийн байдлаар Золт Йоханнес Кеплерийн их сургуулийн Линзийн боловсролын сургууль дахь STEAM боловсролын судалгааны арга зүйн профессороор ажиллаж байна. Йоханнес Кеплерийн их сургууль (JKU)-д тэрээр технологиудыг сургуулиудад интегралчилахтай холбоотой дэлхийн хэмжээнд олон тооны судалгааны төслүүд дээр ажиллаж байна. STEAM боловсролын докторын хөтөлбөрийг удирдаж; боловсролын судалгааны арга зүйг зааж, дэлхийн даяар судалгааны төслүүдийг зохицуулан ажиллаж байна.
Роберт Понтекорво
ГеоГебра · Үнэлгээ/Харилцааны ахлах · АНУ, Нью-Йорк
Роберт Понтекорво бол улсын болон хувийн хэвшилд математикийн чиглэлээр гуч гаруй жилийн туршлагатай мэргэжлийн боловсролын ажилтан юм. Тэрээр Севанхака төв ахлах сургуулийн дүүргийн (Нью-Йорк мужийн Лонг-Айленд дахь Нассау дүүргийн хамгийн том сургуулийн дүүрэг) Математикийн дүүргийн зохицуулагчаар ажиллаж, 7-12 дугаар ангид хичээл заадаг наян таван математикийн багшийг удирдаж байсан. Роб нь Адельфийн их сургууль болон Квинс коллежийн математикийн боловсролын хөтөлбөрийн туслах профессороор ажиллаж байсан бөгөөд гурван жилийн турш шууд телевизээр математикийн хичээл зааж байсан.
Роб 2017 оноос хойш ГеоГебратай ойр ажиллаж байгаа бөгөөд тэрээр өөрийн санаачлагаар ГеоГебраг Нью-Йорк муж улсын өндөр ач холбогдолтой шалгалтад зориулсан төхөөрөмж дээр зөвшөөрөгдсөн анхны тооцоолуурын программ болоход хувь нэмэр оруулсан юм. Тэрээр 2021 онд ГеоГебра багт үнэлгээ/харилцаа хариуцсан ахлахаар ажиллаж эхэлсэн. Роб Лонг-Айлендад эхнэр Бонни, түүний хүүхдүүд болох Кайла, Маттью болон лабрадүүдэл үүлдрийн Күүки-Желлиби нохойн хамт амьдардаг.
Майкл Борчердс
ГеоГебра · Технологийн ахлах ажилтан · Бирмингэм, Англи, Нэгдсэн Вант Улс
Майкл үргэлж математик, тооцооллын чиглэлээр маш их сонирхолтой байдаг. Тэрээр 17 настай байхдаа функцийн уламжлалыг олж, график зурдаг программ зохиосон. Үүний дараа тэрээр Оксфордын их сургуульд математикийн чиглэлээр суралцсан. Тэнд байхдаа тэрээр BBC Micro болон ZX Spectrum-аас хуучин 8 битийн тоглоомуудыг ажиллуулах боломжийг олгохын тулд Acorn Archimedes-д зориулж хэд хэдэн программ бичсэн. Үүний дараа тэрээр математикийн багш болж, өөрийн динамик геометрийн программыг боловсруулсан (эхлээд Acorn Archimedes, дараа нь Apple eMate, Microsoft Windows болон Linux). 2007 онд хамтран ажиллагсад нь түүнд ГеоГебраг танилцуулсан бөгөөд тэрээр үүнийг багшлахдаа өргөнөөр ашиглаж эхэлсэн бөгөөд хуучин Java Апплетуудыг ашиглан Moodle курсүүдийг зохион бүтээсэн. Дараа нь тэр функцүүдийг нэмж эхлэв - эхнийх нь хэрчмийн нэмэлт чимэглэлийг нэмж оруулах явдал байв. Удалгүй тэрээр орой болгон мөн амралтын өдрүүдээр хичээллэж эхэлсэн ба дараа нь 2011 онд (жилийн амралт авсаныхаа дараа) цөөн цагаар багшилж, ихэнх хүчин чармайлтаа ГеоГебра программыг суралцагчдад математикийг судлахад зориулсан дэлхийн шилдэг программ болгоход зориулжээ.
Тим Брзенски
Математикийн бие даасан багш, Математик боловсролын зөвлөх Брзенски Математик · АНУ
Тим Брзенски нь Клинтоны өргөн чөлөө сургуулийн (Нью Хейвен улсын сургуулиуд, CT, АНУ) бүтэн
цагийн математикийн багш дасгалжуулагч бөгөөд математикийн боловсролын хагас цагийн бие даасан зөвлөх юм. Тэрээр ГеоГебрагийн төлөөлөгч, ГеоГебрагийн сертификаттай сургагч, зохиогч бөгөөд ГеоГебрагийн мэргэжлийн хөгжүүлэгчийн захирлаар (2020 - 2021) ажиллаж байсан. Тэрээр мөн 15 жилийн туршлагатай (2002 - 2017) ахлах сургууль (Берлиний ахлах сургууль, КТ)-ийн бүтэн цагийн математикийн багш бөгөөд энэ хугацаанд Коннектикутын Төвийн Их Сургуульд хагас цагийн математикийн багшаар ажиллаж байсан.
Ноён Брзенски өдөр тутмын ажилдаа суралцагчдыг математикийн хичээлд идэвхтэй оролцуулах, судлах, нээх, сурах боломжийг олгохоос гадна бусад багш нарыг ч мөн адил ийм аргаар заахыг нь урамшуулдаг байна. Тим зөвлөх ажлынхаа хүрээнд дэлхий даяарх математикийн багш, удирдах ажилтнуудад зориулсан идэвхтэй, сонирхолтой мэргэжил дээшлүүлэх семинар, илтгэлүүдийг зохион байгуулдаг байна. Илтгэлүүдээрээ тэрээр идэвхтэй, суралцагч төвтэй болон танин мэдэх, нээн илрүүлэх сургалтын ялгаа, утга учиртай давтлага хичээл, тасралтгүй төлөвшүүлэх үнэлгээг үр дүнтэй дэмжих хэчнээн EdTech программууд нь хүчирхэг платформууд болж чадахыг харуулдаг байна. Ноён Брзенски мөн өөрийн суралцагчид болон дэлхийн математикийн багш нарт зориулсан ГеоГебра интерактив материалуудыг үргэлжлүүлэн зохиосоор байна.
Тим ч бас мэргэжлийн бус сонирхогч бөгөөд эхнэр Эшли болон өөрийн эрч хүчтэй дөрвөн хүүтэйгээ маш их цагийг өнгөрөөх дуртай.
Эдгээр платформуудаас заах, сурах бусад санаануудыг хараарай:
- Twitter: @TimBrzezinski
- Facebook: Brzezinski Math
- YouTube: Tim Brzezinski
- Instagram: brzezinski_math
- Website: Brzezinski Math
- Email: tim@brzmath.com