Tangram þraut búin til
Tangram þraut
Tangram þraut samanstendur af 7 flatarmyndum (þríhyrningum, tigli og ferningi) sem leggja má þannig niður í flötinn að þær þekji ferning með hliðarlengdina a.
Hér er dæmi um Tangram þraut þar sem raða skal bitunum þannig að myndist köttur
Verkefni
Til að smíða púslbita Tangram þrautarinnar þarf að finna hliðarlengdir allra 7 hlutanna. Þeir eru allir háðir hliðarlengdinni a, sem er hliðarlengd stóra ferningsins.
Ábending: Í sumum tilvikum getur reynst vel að líta á hornalínur eða hæðir. Auðveldara er að lýsa lengd með breytunni a heldur en lengd samsvarandi hliða.
Hlutföllin í Tangram þrautinni
Nokkrar vísbendingar og uppástungur til að gera smíðina auðveldari.
| 1. | | Sláið inn töluna a = 6 í inntaksreit. |
| 2. |  | Byrjið hverja rúmmynd á línustriki með gefinni lengd. Þetta gerir kleift að snúa og draga til myndina seinna. Ábending: Finnið út hliðarlengdir rúmfræðilegu formanna til að geta smíðað þau í GeoGebru. |
| 3. | | a) Ef hæð rétthyrnds þríhyrnings er hálf lengd langhliðar, gæti borgað sig að nota setningu Þalesar við smíðina. b) Ef skammhliðar rétthyrnds þríhyrnings eru þekktar, gætuð þið smíðað hann svipað og ferninginn sem kom fyrir framar. c) Við smíði fernings þegar hornalínur eru gefnar, er gott að vita að þær eru hornréttar og helminga hvor aðra. d) Við smíði samsíðungs hjálpar að þekkja stærð hvassa hornsins. |
| 4. | | Kannið smíðina ykkar með því að reyna að búa til ferning með hliðarlengd a úr myndunum. |
| 5. | | Raðið rúmfræðiformunum af handahófi meðfram hliðum myndagluggans. Flytjið myndina út á kvikt vinnublað og setjið skýringar fyrir nemendur á blaðið. |