Námsþáttar/hugtaka-kort
Leitaðu að verkefnum sem tengjast vissum námsþáttum
Hægt er að skoða þúsundir verkefna með því að nýta námsþátta/hugtaka-kortið (e. Math Topic Maps) og skoða 150 mismunandi námsþætti innan stærðfræði. Þar sem mikið af námsefninu er til á ensku þá geturðu nýtt þér orðabók Stærðfræðafélagsins til að leita að því hugtaki sem þú vilt finna í hugtakakortinu.
Nýttu þér námsþátta/hugtaka-kortið til að finna námsefni
Á upphafssíðu GeoGebra má finna ýmiss konar námsefni (e. Resources) með því að nota leitarorð eða nýta sér námsþátta/hugtaka-kortið.
Þú getur smellt á einhvern hnútanna í kortinu til að sjá verkefni og bækur birtast fyrir neðan kortið. Að auki birtast oft fleiri undirhugtök sem sömuleiðis er hægt að smella á til að finna fleira námsefni tengt því tiltekna hugtaki.
Sem dæmi geturðu prófað að smella á föll (e. Functions) og þannig fengið lista GeoGebra verkefna sem fjalla um föll og skoðað hugtakakort fyrir undirgreinar þessa hugtaks á borð við beinar línur, fleygboga, veldisföll og fleira (e. linear functions, quadratic functions, exponential functions).
Ávallt er hægt að fara til baka með því að smella á annað hugtak / annan námsþátt í kortinu og/eða með því að smella á yfirhugtak þess tiltekna hugtaks sem þú varst að skoða á kortinu.
Síaðu niðurstöðurnar
Hægt er að nota síu til að skoða annað hvort verkefni (Activities) eða bækur (Books) í fellivalmyndinni fyrir neðan námsþátta/hugtakakortið.
Sem dæmi - ef þú leitar að rúmfræðihugtökum með því að skoða námsþáttinn rúmfræði (e. Geometry ) og velur bækur (Books) úr fellivalmyndinni, þá birtast einungis bækur sem hafa eitthvert innihald tengt rúmfræði.
Þú getur alltaf farið til baka og séð yfirlit yfir bæði bækur og verkefni með því að velja Any resource type í fellivalmyndinni.