Sección dunha esfera por un plano oblícuo
Esfera e plano oblícuo representados en diédrico, para resolver a sección:
- Situar un punto no segmento que representa a traza vertical (chamémolo V2) que será a variable de altura.
- Coa ferramenta que proxecta perpendicularmente un punto nunha recta, indicar V2 e logo LT, para obter V1.
- Trazar paralela a LT por V2 e paralela á traza horizontal por V1 (proxeccións dunha horizontal de plano que pasa por V).
- Marcar o punto intersección da paralela a LT co eixo do cono na segunda proxección, e cunha das xeneratrices laterais para ter o raio da sección plana horizontal. Marcar como intersección dos eixos o centro do cono na primeira proxección.
- Trazar co compás unha circunferencia de raio a distancia entre os dous puntos anteriores, e centro o do cono en primeira proxección. Ocultar os puntos tomados para o raio.
- Marcar os dous puntos de intersección da circunferencia coa paralela á traza horizontal, na primeira proxección.
- Levar os dous puntos de intersección á segunda proxección, indicando cada vez un deles e a paralela a LT, coa ferramenta "Punto a recta". Ocultar V1, as paralelas a LT e á traza h, e a circunferencia.
- Lugar xeométrico de cada unha das catro proxeccións dos puntos de intersección, se varía V2.